Фудбалските фанови во Франција останаа разочарани од ароганцијата која ја прикажа Килијан Мбапе на натпреварот против Монпелје, а одредени експерти почнуваат да тврдат дека ваквото его на Французинот може да донесе многу проблеми во тимот со многу ѕвезди.
Кристоф Галтие има доволно добар материјал за да седне на маса со Мбапе по натпреварот со Монпелје, бидејќи покрај тоа што се откажа да трча во една акција кога не доби топка како што посакува, при вториот пенал ги налутил и Меси и Нејмар.
Mbappe’s ego is getting way too annoying. Man pushed Messi then went to argue for the penalty, right after he missed one.
Needs to get humbled pic.twitter.com/xFh5U9E6o5— Ziad is NOT in pain (@Ziad_EJ) August 14, 2022
Мбапе не го реализираше првиот пенал кој го доби ПСЖ, па вториот го изведе Нејмар, а притоа Бразиелцот не му дозволи на својот соиграч да ја земе топката.
По досудениот прекршок, Мбапе тргнал по топката за повторно да изведе по почетното промашување, но додека го правеше тоа, го поткачи Меси и Аргентинецот чудно го гледаше својот соиграч.
Во продолжение, Мбапе ја бараше топката од Нејмар, но Бразилецот не му ја даде и мирно го реализираше пеналот за водство од 2:0 во првото полувреме.
