Еден Азар во мечот од петтото коло од групната фаза во Лигата на шампиони против ПСЖ не играше до крај и тоа поради повреда.
Белгиецот доби силен удар во ногата, па на средината на второто полувреме мораше да го напушти теренот, а на негово место влезе Герет Бејл.
Резултатите од првите тестови се добри затоа што не станува збор за посериозна повреда, а во текот на денот ќе има и подетални тестови.
Сепак, тренерот Зинедин Зидан е загрижен затоа што повредата доаѓа во погрешен момент за „кралевите“, кои играат во „Ел Класико“ на 18 декември, па не е сигурен настапот на Азар на мечот.
