Фудбалскиот репрезентативец на Македонија, Јован Манев потпиша договор со хрватскиот тим Ријека.
Манев ја зголемува конкуренцијата во бековската линија во тимот и ќе претставува квалитетно засилување на тренерот Радомир Ѓаловиќ. Станува збор за играч кој има искуство со играње во силната турска лига, има настапувано за репрезентацијата, а сега ќе бара нов исчекор во дресот на Ријека.
– Играв во ХНЛ, знам каков квалитет ме чека овде и какви играчи има во локалната лига. По заминувањето од Осијек, ја следев ХНЛ, добро знам какви квалитети има Ријека и како работи со младите играчи. Воодушевен сум што сум дел од овој клуб и ќе дадам се од себе за да биде што е можно подобро за клубот, за мене и за навивачите, изјави Манев, цитиран од сајтот на клубот.
Договорот е до 2027 година, а ќе го носи дресот со број 15.
