НБА направи промени во статистиката на последниот натпревар на ѕвездата на Милвоки бакс, Јанис Адетокунбо, по што Гркот остана без трипл-дабл на дуелот со Вашингтон одигран пред два дена.
На Адетокунбо во последните секунди од средбата му недостигаше еден скок до трипл-дабл. Гркот намерно ја фрли топката во таблата за да ја добие потребната статистика. НБА ја преиспита ситуацијата и го поништи 10. скок на Јанис врз основа на тоа што кошаркарот не се обидел да го погоди обрачот.
Така, Адетокунбо за 36 минути има 23 поени, 9 скока и 13 асистенции.
Трипл-даблот ќе беше четврти сезонава за двократниот МВП, додека 13 асистенции е најдобриот резултат во тековното првенство.
