Францускиот претседател Емануел Макрон ја избра министерката за труд Елизабет Борн за нова премиерка на Франција.
Макрон наводно на премиерската функција сакал да постави некој кој е „силен по социјалните прашања, прашањата за животната средина и производството“, а сакал и таа личност да биде жена, пишува Политико.
Досегашната министерка за труд Елизабет Борн стана само втората жена на функцијата премиер на Франција, прва во последните 30 години. Првата француска премиерка беше Едит Кресон, но многу кратко – од мај 1991 до април 1992 година, под претседателот Франсоа Митеран.
„Навистина беше време за уште една жена (на таа позиција) и знам дека Борн е исклучителна личност со големо искуство… Мислам дека тоа е многу добар избор“, рече првата жена на чело на францускиот кабинет, Едит Кресон.
Франс24 ја опиша Борн како „благ бирократ“ во контекст на кариерата во која вршела бројни министерски позиции во Социјалистичката партија пред да се приклучи на владата на Макрон.
Борн, која има 61 година, била министерка за транспорт (2017-2019), министерка за екологија (2019-2020) и министерка за труд (2020-2022).
Како министерка за транспорт, Борн успешно спровела реформи поврзани со стручното образование и француската железничка компанија Ес-ен-си-еф. Како министерка за екологија, функција која кратко ја извршувала, Борн успеала да протурка нова велосипедска политика.
Додека таа била министерка за труд, невработеноста во Франција паднала на најниско ниво во последните 15 години, а невработеноста кај младите на најниско ниво во последните 40 години, пишува Франс24.
Но, тогаш Борн ги надгледувала преговорите со синдикатите, по што биле намалени надоместоците за невработеност, што, меѓу другото, предизвикало критики од француската левица:
„Борн е против покачување на минималната плата и пензионирање на 65 години. Одиме во нова сезона на социјално малтретирање“, напиша денес левичарскиот претседателски кандидат Жан-Лик Меланшон.
Но, Франс24 објаснува дека токму затоа Борн е избрана за премиерка:
„Длабокото познавање на Борн за функционирањето на државата ќе му помогне на Макрон да спроведе потешки реформи. Таа ќе има задача да гледа во силните француски синдикати за да го надгледува најбавното изборно ветување на Макрон: Зголемување на старосната граница за пензионирање“, пишува францускиот весник.
🇫🇷 French President Emmanuel #Macron picked Labour Minister Elisabeth Borne as his new prime minister on Monday as he prepares for legislative elections in June — only the second time in 30 years that a woman has got the job @CarolynLamboley reports ⤵️ pic.twitter.com/zTNSWg9OeP
— FRANCE 24 English (@France24_en) May 17, 2022
