Украинскиот претседател Володимир Зеленски денеска го потпиша предлог-законот со кој се намалува старосната граница за воена мобилизација од 27 на 25 години, пренесоа светските агенции.
Предлог-законот, кој беше изгласан пред една година од пратениците и кој досега чекаше да биде потпишан од претседателот, стапува на сила од утре, соопшти украинскиот Парламент (Врховната рада) на својата веб-страница.
Украинската Влада треба во рок од шест месеци да ги усогласи различните правни текстови во земјата со новите барања на возраста за мобилизација.
Мобилизацијата во армијата е предмет на дебата во Украина со месеци, забележуваат светските агенции.
