Лидерот на јужнокорејската владејачка партија Хан Донг-Ху денеска изјави дека е неопходно да се суспендираат уставните овластувања на претседателот Јун Сук-јеол, објавија јужнокорејските медиуми.
Кан рече дека за време на воената состојба што Јун ја прогласи претходно оваа недела, претседателот нареди апсење на истакнати политичари со образложение дека тие биле дел од „антидржавните сили“.
Коментарите на лидерот на Народната партија сугерираат дека неговата партија ќе го промени претходниот став за спротивставување на импичментот на претседателот Јун поради неговата воена состојба.
Главната опозициска Демократска партија и другите помали опозициски партии поднесоа заеднички предлог за импичмент во средата против Јун поради неговото прогласување воена состојба претходната вечер. Воената состојба траеше околу шест часа, бидејќи Националното собрание брзо гласаше за поништување на одлуката на претседателот, принудувајќи ја неговата влада да ја укине пред зори во средата.
