Пакистан ги отфрли обвинувањата дека стои зад серијата пријавени воздушни напади на индиска територија, откако индиското Министерство за одбрана го обвини за ракетни и беспилотни напади.
– Владата на Пакистан категорично ги отфрла неоснованите и неодговорни обвинувања што ги шират индиските медиуми, обвинувајќи го Пакистан за напади врз Патанкот, Џаисалмер и Шринагар, се вели во соопштението на Министерството за надворешни работи во Исламабад.
Претходно, индиското Министерство за одбрана го обвини Пакистан за напади во делот на Кашмир под индиска администрација и на воен објект во државата Пенџаб.
Пакистанскиот министер за информации Атаулах Тарар исто така изјави дека Пакистан не таргетирал никакви локации во Кашмир под индиска администрација или преку меѓународната граница
