Унгарскиот министер за надворешни работи Петер Сијарто рече дека на Романија и на Бугарија требало да им биде дозволено да се приклучат на Шенген зоната бидејќи тие работат напорно за да ги заштитат своите граници и направиле многу за да ја спречат илегалната миграција.
Во објава на Фејсбук, Сијарто напиша дека Хрватска доби статус на шенген-земја, додека Романија и Бугарија беа одбиени иако го заслужија тој статус.
Како што напиша тој, одбивањето е последица на ветата што ги ставија Австрија и Холандија, додека „сите други ги поддржаа“ Бугарија и Романија да влезат во Шенген.
