Блескава партија на Морант, Мемфис израмни против Голден стејт (ВИДЕО)

Младата ѕвезда на Мемфис гризлис, Џа Морант со 47 поени го предводеше својот тим до победа против Голден стејт од 106-101 за израмнување на 1-1 во серијата, изедначи и Бостон со Миловки откако победи со убедливи 109-86.

Мемфис успеа да го добие вториот меч против Голден стејт и да изедначи на 1-1. Играч на вечерта беше Џа Морант кој речиси сам го однесе својот тим до победа.

Морант постигна 47 поени, имаше и по осум скока и осум асистенции. Стеф Кари постигна 27 поени, имаше девет скока и осум асистенции.

На 1-1 израмни и Бостон откако со убедливи 109-86 го победи актуелниот шампион, Милвоки.

Браун имаше одличен меч со 30 поени, а дури 17 од нив постигна во првата четвртина, одличен беше и Тејтум со 29 поени. Кај Милвоки, Адетокумбо постигна 28.

Резултати:

Бостон – Милвоки 109:86 (1-1)
Мемфис – Голден стејт 106:101 (1-1)