Во Австралија горат десетици пожари, Сиднеј не се гледа од чадот (ВИДЕО)

Силни ветришта разгореа десетици пожари кои пустошат низ австралискиот источен брег, а густ чад го обви Сиднеј, каде беа издадени предупредувања за опасноста по здравјето на жителите на најбројниот австралиски град.

Пожарите уништија околу милион хектари земјоделски површини и шума во последните неколку недели, засилени од екстремно сушните услови по тригодишната суша за која експертите тврдат дека е засилена од климатските промени.

Ветриштата им одат од рака на пожарите кои ги има околу 60 низ австралиската држава Нов Јужен Велс, а властите тврдат дека чадот кој го обвива Сиднеј во некои делови од градот за 10 пати го надминува нивото опасно по здравјето.

Кадры как из голливудского кино. Австралийский Сидней утонул в белом дыму. Уже несколько недель больше тысячи пожарных и волонтеров борются с крупнейшими в истории страны лесными пожарами. Людям трудно дышать — загрязнение воздуха в 8 раз превышает норму pic.twitter.com/8TyEKKxfMv

— ntvru (@ntvru) November 19, 2019

Локалното министерство за здравје ги предупреди граѓаните да не излегуваат надвор доколку е возможно, додека локалните пожарникарски служби предупредија дека чадот поради силниот ветер ќе се задржи во текот на целиот ден.

Пожарите во австралиската пустелија се чести и опасни по животот во тој дел од земјата, а нивното рано избивање годинава веќе зема четири животи и уништи повеќе од 300 домови изминатиот викенд. Пожарникарите вложуваат големи напори за да ја зајакнат линијата на одбраната, со температури кои низ целата земја ќе растат во текот на денот.

„Повеќе од 1.300 пожарникари се ангажирани на овие пожари и се трудат да ги стават под контрола и покрај прогнозите кои најавуваат посушно, потопло и поветровито време“, соопшти пожарникарската служба.