Ексклузивно – Коха дознава: Над 700 жители на Чучер Сандево гласаат во Бутел!

 

Весникот КОХА дознава дека истите проблеми продолжуваат и во овој изборен циклус за изборите на 17 октомври. Станува збор за повеќе од 700 граѓани, главно Македонци, кои живеат на улиците „Призренска“ и „Бутелска“ кои како територија припаѓаат на Општината Чучер Сандево, додека истите гласаат во Општина Бутел

Џенур ИСЕНИ

Пред секој изборен циклус, се отвора добро познатата дебата за прочистување на избирачкиот список, бидејќи во минатото имавме многу случаи кога гласачи од една општина гласаа во избирачките места на друга општина.

Весникот КОХА дознава дека истите проблеми се провлекуваат и во овој изборен циклус за изборите на 17 октомври. Според нашите извори, станува збор за повеќе од 700 граѓани, главно Македонци, кои живеат на улиците „Призренска“ и „Бутелска“ кои како територија припаѓаат на Општина Чучер Сандево, додека истите гласаат во Општина Бутел.

За овој случај потврдија и од Државната изборна комисија. Централниот регистар ги избриша овие улици како улици во територијата на општина Бутел, додека Министерството за Внатрешни Работи нагласува дека сега не можат да ги сменат личните карти на предметните жители бидејќи нема доволно време, додека единствениот орган што одлучува на Избирачкиот список е ДИК.

Потпретседателката на оваа институција, Дитмире Шеху нагласи дека е информирана за проблемот за кој станува збор, но ја фрла топката до Министерството за внатрешни работи. Таа рече дека како подпретседателка дала се од себе за да го реши овој проблем со овие 700 граѓани, но од МВР одговориле дека во овој момент не можат да ги сменат личните карти.

“Ги добиваме податоците од МВР. Ни дадоа писмо каде ни велат дека не можат сега да го сменат ова и да водат административни постапки. Ние не гласаме за избирачкиот список, само го заклучуваме бројот на избирачи, избирачкиот список не се гласа како таков. Значи, од тоа кој е бројот на избирачи, врз основа на истите податоци, го затвораме. Се обидов најдобро што можев, го сменив во централниот регистар, но од МВР ни рекоа дека не можат тоа сега. Јас им испратив писмо трипати, ги поканив на состанок, отидов во централниот регистар, која е мојата работа, како потпретседателка, дадов се од себе. Министерството за внатрешни работи двапати ни даде ист одговор “, изјави за КОХА, Дитмире Шеху, потпретседателка на ДИК.

И членот на ДИК, Кренар Лога, вели дека го ажурирал овој проблем во комисијата и предупреди дека нема да гласа за изборната листа. Тој предупредува дека ќе го постави ова прашање на седницата, на точката од дневниот ред за изборната листа.

„Го покренав ова прашање и речиси имавме конфликт со сите членови на комисијата и реков дека нема да гласам за изборната листа, бидејќи на крајот се гласа. Додека јас нема да гласам од овие причини затоа што не може гласач на една општина, да гласа во друга општина затоа што нема легитимитет. Со 700 гласови во Чучер Сандево се избира градоначалник. Со 700 гласови градоначалникот на Бутел и градоначалникот на Град Скопје се нелегитимни и јас ќе го кренам ова прашање на седницата, на точката за изборната листа, и нема да гласам за изборната листа“, изјави за КОХА, Кренар Лога, член на ДИК.

Очигледно, точноста на избирачкиот список останува едно од најконтроверзните прашања во ДИК до неговото гласање, бидејќи ова може да биде негирање на резултатите од едната или другата партија, односно легитимитетот може да се оспори, во овој случај на новиот градоначалник на Бутел на изборите на 17 октомври.