Киев соопшти дека руските сили и денеска за напади врз Украина користеле хиперсонични ракети „Кинжал“

 

Врховниот командант на оружените сили на Украина, Валериј Залужни, изјави дека руските сили во денешните напади врз цели низ целата земја користеле хиперсонични ракети „Кинжал“.

Според неговата изјава, украинската армија уништила 47 проектили, од кои 20 во областа на главниот град Киев.

„Целта на Русите останува непроменета – психолошки притисок врз Украинците и уништување на критичната инфраструктура. Но, не можеме да бидеме скршени“, додаде тој.