Модниот дизајнер Кензо Такада нова жртва на Ковид-19

Јапонскиот основач на популарниот моден бренд „Кензо“ почина на 81-годишна возраст, од компликации поврзани со коронавирусот.

Кензо Такада почина вчера во болница во Париз.

Познат по својата светла графика, принтови инспирирани од џунгла и еклектичната употреба на боја, тој беше првиот јапонски дизајнер кој се прослави на париската модна сцена.

Се пресели во Франција во 60-тите години на минатиот век и остатокот од својата кариера го помина таму.

„Со своите приближно 8.000 креации, јапонскиот дизајнер никогаш не престана да ја слави модата и уметноста на живеење“, рече неговиот портпарол.