Најмалку 51 лице загина во поплавите на Филипините, 19 се водат како исчезнати

By KOHA On Jan 2, 2023

In this photo provided by the Philippine Coast Guard, rescuers use ropes as they evacuate residents from flooded areas due to Tropical Storm Nalgae at Parang, Maguindanao province, southern Philippines on Friday Oct. 28, 2022. Floodwaters rapidly rose in many low-lying villages, forcing some villagers to climb to their roofs, where they were rescued by army troops, police and volunteers, officials said. (Philippine Coast Guard via AP)

Бројот на загинати во поплавите на Филипините се искачи на 51, а илјадници луѓе се евакуирани во засолништа, соопштија денеска локалните власти.

Деветнаесет лица се водат како исчезнати.

Во најтешко погодениот регион Северен Минданао, според Националниот совет за управување со катастрофи, загинале 25 лица.

Повеќето луѓе загинале од давење и одрони, а меѓу исчезнатите има и рибари чии чамци се превртеле.

Обилните дождови предизвикаа поплави во 34 градови и најмалку десет региони на Филипините.

Водата се повлекла на повеќето места, но повеќе од 8.600 луѓе сè уште се во засолништа. Оштетени се повеќе од 4.500 куќи, како и патишта и мостови. Во некои области имаше прекини во снабдувањето со струја и вода.

Владата обезбеди храна и други основни потреби, а на терен е распоредена и опрема за чистење.