Подољак за разрешувањата: Зеленски одговори на клучните барања на јавноста

 

Советникот на украинскиот претседател Михајло Подољак рече дека денешните разрешувања покажале оти Зеленски реагирал на „клучното барање на јавноста“, додавајќи дека правдата важи за сите.

– Кадровските решенија на Зеленски сведочат за клучните приоритети на државата. Претседателот го гледа и слуша општеството. И директно одговара на клучното барање на јавноста – правда за сите, рече Подољак.

Канцеларијата на главниот обвинител претходно соопшти дека заменик-главниот обвинител на Украина, Олексеј Симоненко е разрешен од функцијата.

Во изјавата со која се најавува неговото разрешување не се наведени причините за одлуката, но се вели дека тоа е „во согласност со неговите сопствени желби“.

Претходно оставки поднесоа помошникот на Зеленски, Кирило Тимошенко и заменик министерот за одбрана Вјачеслав Шаповалов, како резултат на корупцискиот скандал што ја зафати Украина.