Судот нареди Бил Козби да биде пуштен на слобода, пресудата укината

Врховниот суд во Пенсилванија ја укина пресудата за комичарот Бил Козби со која беше прогласен за виновен за сексуално злоставување.

Козби отслужи 2-годишна казна во државниот затвор во близина на Филаделфија. Прогласен е за виновен за дрогирање и злоставување на поранешната кошаркарка Андреа Констанд во 2004 година. Осуден е во 2018 година.

Пресудата е укината откако се постигна договор со претходниот тужител кој спречи Козби да биде обвинет во споменатиот случај. Утврдено е и дека сведочењата на тужителите кои не се поврзани со случајот значајно влијаеле на судењето.

„Пресудата на Бил Козби се укинува и тој е ослободен“, е наведено во заклучокот на судот.

Бил Козби, комичар и актер, е најпознат по улогата на татко и сопруг во хумористичната серија од 80-тите, „The Cosby Show“.

Неговата репутација беше нарушена кога повеќе од десетина жени го обвинија за сексуален напад. Неговата осуда беше клучен момент во движењето #MeToo.

Козби е прогласен за виновен за сексуално злоставување на Андреа Констанд во нејзиниот дом во 2004 година, откако ѝ дал неидентификувани таблети.

83-годишниот актер преку социјалните мрежи им се заблагодари на сите кои го поддржуваа во последните години.