Хана, првиот ураган од годинешнава сезона на Атлантикот, ослабе до ниво на тропска депресија, откако вчера го погоди Тексас.
Силниот ветар превртуваше камиони и уриваше далноводи, но и дел од ѕидот на границата со Мексико.
На видео објавено на социјалните медиуми се гледа како ветрот го урива неодамна подигнатиот дел од ѕидот на границата меѓу САД и Мексико.
Хана во саботата попладне стигна до островот Падре како ураган од прва категорија на скала од пет степени, а потоа му се втури на округот Кенеди во Тексас и протатни низ дел од таа сојузна држава што беше сериозно погодена од коронавирусот, пренесува Ројтерс.
Силните ветрови превртуваа камиони и уриваа дрвја, оставајќи некои куќи без покриви.
Во еден момент, повеќе од 280.000 домови останаа без електрична енергија.
Hurricane Hanna really said “fuck Trump n his wall”😭😭😩 pic.twitter.com/8yiRN8qwyi
— Abigail💮 (@ab_igailmorales) July 27, 2020
На некои места паднаа повеќе од 30 сантиметри дожд на квадратен метар, па беа поплавени дел сообраќајници во јужен Тексас, но засега нема информации за повредени.