Поранешниот италијански премиер Берлускони повторно хоспитализиран

Поранешниот италијански премиер Силвио Берлускони од вчера попладне е примен во болница поради дополнителни прегледи, соопштија денеска два извори од неговата партија Форца Италија, пренесува Франс24.

Еден извор рече дека 84-годишниот медиумски тајкун отишол во болницата Сан Рафаеле во Милано на дополнителни прегледи откако имаше коронавирус минатиот септември.

Ова е втор пат за само неколку недели Берлускони да заврши во болница, како што беше случај со рутинскиот преглед кон крајот на март. Неговата партија тогаш соопшти дека бил примен во болница поради клиничко следење и прилагодување на терапијата.

Берлускони, кој беше подложен на голема операција на срцето во 2016 година и исто така преживеа рак на простата, беше примен во болница во јануари поради проблеми со срцето.