Борисов се жали дека во Бугарија изборите ќе бидат наместени

Ова е голем пеколен план. Само во Венецуела Мадуро стана претседател благодарение на машините што се наоѓаат во Бугарија. Во моментов, машините се во рацете на овие луѓе. Нема такви машини во цела Европа. А ние од министерот Бојко Рашков очекуваме фер избори. Да, сега ќе има наместени избори, изјави Бојко Борисов лидерот на ГЕРБ во Добрич.

Парламентарните избори во Бугарија се закажани за 11 јули.

-Машините не се толку страшни. Луѓето нека излезат и нека гласаат. Замислете да се повтори таква изборна активност, како во Благоевград со 27 отсто излезност, понекогаш пет гласови одлучуваат за шампионатот. Нека гласаат. Имаме програма, подготвени сме, додаде тој.

Слави Трифонов на својот профил на Фејсбук напиша дека првиот круг за градоначалник на Благоевград, кандидатот на неговата партија Илко Стојанов, добил најмногу гласови и ќе оди во вториот круг од 4 јули против независниот кандидат Румен Томов, поддржан од БСП.

Борисов има свое гледање за овој изборен резултат. Според него машинското гласање ги исплашило жителите на Благоевград и затоа дошло до низок одзив на гласачите. Ова доведе до ситуација во која 6.000 луѓе избираат градоначалник за град со 60.000 жители.

Лидерот на ГЕРБ и донеодамнешен премиер на Бугарија, Борисов ги покани своите политички противници на отворена дебата.

-Ваквата мала активност е ноќна мора. Во Благоевград има 27 отсто активност. Тие ги исплашија луѓето. Со град со 60.000 жители ќе владее градоначалник со 6.000 гласови. Со каков морал ќе управуваат, праша Борисов.