Бразилскиот сенат одобри интервенција на федералните сили во престолнината Бразилија

By KOHA On Jan 10, 2023

epa10396231 Bolsonaro supporters storm the National Congress in Brasilia, Brazil, 08 January 2023. Hundreds of supporters of former Brazilian President Jair Bolsonaro invaded the headquarters of the National Congress, and also Supreme Court and the Planalto Palace, seat of the Presidency of the Republic, in a demonstration calling for a military intervention to overthrow President Luiz Inacio Lula da Silva. The crowd broke through the cordons of security forces and forced their way to the roof of the buildings of the Chamber of Deputies and the Senate, and some entered inside the legislative headquarters. EPA-EFE/ANDRE BORGES

Бразилскиот Сенат денеска одобри интервенција на федералните сили во главниот град на Бразил, откако во неделата поддржувачи на поранешниот претседател Жаир Болсонаро упаднаа во зградите на клучните државни институции.

Одлуката за интервенција на федералните сили ја донесе бразилскиот претседател Луис Инасио Лула да Силва по нередите во неделата. Одлуката беше одобрена од Долниот дом на бразилскиот конгрес.

Повеќе од 600 полицајци ќе бидат префрлени од 15 различни бразилски држави во главниот град, јавија светските агенции, повикувајќи се на бразилски медиуми.

По немирите во главниот град, властите испрашуваа околу 1.000 демонстранти приведени во фискултурна сала.

– Луѓето не треба да го поврзуваат татко ми со неделните настани во Бразил. Не обидувајте се да измислувате лажни приказни дека Болсонаро има врска со овие неодговорни дејствија, изјави денеска сенаторот Флавио Болсонаро, син на Жаир Болсонаро.