Водич за заштита при излегување и влегување дома: Соберете ја косата, не носете накит

Останувањето дома е најдобрата превенција, но неопходно е и да испазарите или да отидете до аптека еднаш во неделата или на две недели. Па, како тоа излегување да не ви го зголеми ризикот од заболување?

 

Важно е да се држите до неколку клучни правила при напуштање на домот и враќање во него.

Постапки при излегување од дома:
– Кога излегувате од дома, облечете јакна или било што со долги ракави.

– Соберете ја косата во пунџа.

– Не носете накит.

– Ако сте решиле да ставите маска, ставете ја непосредно пред излегување.

– Избегнувајте користење на јавен превоз, доколку е можно.

– Ако излегувате со миленикот, не му дозволувајте да се допира до надворешни површини.

– Понесете марамчиња за дезинфекција и користете ги по секој допир со површина

– Марамчињата фрлајте ги во отворени корпи за отпадоци.

– Ако кашлате или кивате, направете го тоа во лактот, а не во воздухот или во рака.

– Ако плаќате со пари, дезинфицирајте ги рацете веднаш потоа.

– Не го допирајте лицето пред темелно да ги измиете рацете.

– Одржувајте оддалеченост од други луѓе минимум 2 метра.

vodic-za-zastita-pri-izleguvanje-i-vleguvanje-doma-soberete-ja-kosata-ne-nosete-nakit-02.jpg

Постапки при влегување дома:
– Кога ќе се вратите дома, не допирајте апсолутно ништо.

– Соблечете ги чевлите на влезот и не шетајте дома со нив.

– Дезинфицирајте ги шепите на миленикот уште додека сте надвор од дома.

– Соблечете ги горните слоеви на облека и ставете ги во кеса или на тераса.

– Паричникот, клучевите и чантата оставете ги во кутија на самиот влез во домот.

– Добро измијте ги рацете, лицето, а доколку имате можност и истуширајте се со врела вода.

– Дезинфицирајте го мобилниот и очилата, доколку ги носите, клучеви, паричник и слично.

– Исчистете ги работите кои сте ги донеле од надвор (храна во амбалажа или лекови.)

– Внимателно отстранете ги ракавиците доколку ги носите и повторно измијте ги рацете.

– Имајте на ум дека комплетната дезинфекција е невозможна, но направете сѐ што е во ваша моќ да го намалите ризикот.