Во Србија вакцинација со трета доза против ковид-19

Фотографирање раката по добиена вакцина против коронавирус во центар за вакцинација во трговски центар во Белград, 6 мај 2021 година.

Од денеска во Србија може да се добие дополнителна, трета доза на вакцината против коронавирусот, објави Владата на Србија. „Сите вакцинирани граѓани ќе можат да ја добијат третата доза 180 дена по добивањето на втората доза, а граѓаните ќе бидат повикани преку СМС и е-пошта со линк што ќе ги одведе до порталот за е-влада, каде што ќе добијат подетални информации “, се наведува во соопштението.

Како што е објаснето, третата доза на вакцината ќе биде достапна на барање на граѓаните, односно без разлика дали припаѓаат на категориите на население на кои им се препорачува трета доза. „Секој може да добие дополнителна доза ако сака, по шест месеци од втората доза“, се вели во соопштението на владата. Во Србија се достапни четири типа на вакцини – кинеската вакцина Синофарм, руската вакцина Спутник и вакцините произведени од Фајзер -Бионтек и АстраЗенека. Дополнителната доза се препорачува за лица со оштетен имунитет, приматели на трансплантација на коскена срцевина и цврсти органи, лица на хемодијализа и кои живеат со примарни или секундарни имуносупресирани пациенти.