Галтие: Згуснатиот распоред виновен за повредата на Нејмар

 

Причина за најновата повреда на Нејмар е згуснатиот распоред натпревари, изјави денеска тренерот на ПСЖ, Кристоф Галтие, ден откако бразилскито напаѓач предвреме го напушти натпреварот против Лил (4-3) во рамки на 24. коло во француското првенство.

Нејмар го повреди скочниот зглоб при дуел со противничкиот играч Бенјамин Андре и на носилки беше изнесен од теренот на почетокот на второто полувреме.

„Ова не е несреќа. Секогаш постојат причини за повреда, а во овој случај тоа е густиот распоред, односно серијата натпревари“, изјави Галтие.

Од ПСЖ најавија дека Нејмар во следните два дена ќе биде подложен на дополнителни прегледи за со се утврди степенот на повредата.