Гвардиола добива повеќе од 120 милиони евра за да го симне Ливерпул од врвот!

Манчестер сити има сериозна негатива зад лидерот Ливерпул во Премиерлигата, но тренерот Пеп Гвардиола ќе добие повеќе од 120 милиони евра во јануари за да го засили тимот и да ги престигне „црвените“.

Англиските медиуми објавија дека Гвардиола сака неколку засилувања, а едно од нив се очекува да биде во одбраната, која не е на висина на задачата сезонава.

Освен стопери, Гвардиола ќе мора да најде замена и за Давид Силва, кој на крајот на сезоната ќе го напушти „Итихад“, а промени ќе има и во нападот, кадешто Серхио Агуеро веќе има 31 година, но и договор до 2021 година. Сити во моментов има девет бодови помалку од Ливерпул во Премиерлигата, но има уште многу да се игра, па би можел да се случи некаков пресврт.