Ердоган: Нема компромис за членството на Шведска и Финска во НАТО

Турскиот претседател Реџеп Тајип Ердоган изјави дека Турција нема да заземе позитивен став за кандидатурата на Шведска и Финска за членство во НАТО доколку не ги исполнат своите ветувања за борба против тероризмот.

„Додека не престанат да ги поддржуваат терористичките организации да дејствуваат против нашата земја, не треба да очекуваат позитивен пристап од нас“, изјави Ердоган за телевизијата ТРТ, пренесува „Анадолија“.

Турскиот претседател рече и дека никој не треба да очекува отстапки од Турција и дека Анкара постојано предупредува дека никој не треба да ги поддржува терористите на ПКК, како и на ФЕТО.