Мицкоски: ВМРО-ДПМНЕ нема да поддржи какви било уставни измени

Продолжуваме со протестите со големо народно „НЕ“ на овој дипломатски нокаут кој што го добивме изминатите неколку дена, порача на почетокот на вечерашниот протест лидерот на ВМРО-ДПМНЕ Христијан Мицкоски. Тој владата ја нарече кукавичка, затоа што бега од одговорноста за одлуката за францускиот предлог префрлајќи ја на Собранието, и рече дека не гледа никаква логика Собранието да носи одлука за нешто што е обврска на владата.

ДОКОЛКУ ДОНЕСЕ ВЛАДАТА ОДЛУКА, ЗА ШТО НИЕ СИЛНО ПРОТЕСТИРАМЕ И ВЕЛИМЕ ДА БИДЕ ТАА НЕ, ТОГАШ ПАРЛАМЕНТОТ Е ТОЈ КОЈ ШТО ОДЛУЧУВА, А ЈАС СИЛНО ВЕ УВЕРУВАМ ДЕКА ВМРО-ДПМНЕ НЕМА ДА ПОДРЖИ БИЛО КАКВИ УСТАВНИ ИЗМЕНИ. И ВО ТОА ДА БИДЕТЕ СИГУРНИ И МАКЕДОНСКАТА ЈАВНОСТ ДА БИДЕ СИГУРНА ДЕКА ШТО И ДА СЕ СЛУЧУВА СО ОВА НАЦИОНАЛНО ПРЕДАВСТВО И КАТАСТРОФА КОЈА ШТО ЈА ПОДГОТВУВА ВЛАДАТА НА СДСМ И ДУИ, ВМРО-ДПМНЕ ВО ПАРЛАМЕНТОТ ТОА НЕМА ДА ГО ПОДРЖИ. ЗА ТОА СЕ ПОТРЕБНИ 80 ПРАТЕНИЦИ И БИДЕТЕ СИГУРНИ ДЕКА ОВИЕ ТИЕ 80 ПРАТЕНИЦИ ГИ НЕМААТ И ТОА ТРЕБА НА СИТЕ ДА ИМ Е ЈАСНО. И ВО МАКЕДОНИЈА И НАДВОР ОД МАКЕДОНИЈА, ПОРАЧА МИЦКОСКИ.

Лидерот на ВМРО-ДПМНЕ уште порача и дека народот на протестот нема да наседне на нови провокации, какви што имало изминативе денови.

ОВОЈ МИРОЉУБИВ НАРОД ЗНАЕ ДЕКА СИЛАТА Е ВО МАСОВНОСТА, НЕ Е СИЛАТА ВО НАСИЛСТВОТО. НАСИЛСТВОТО Е ПРАКТИЧНО ПРЕДАВСТВО НА ВРЕДНОСТИТЕ ВО КОИ ШТО НИЕ ВЕРУВАМЕ, А НИЕ ВЕРУВАМЕ ВО МИРЕН И ДЕМОКРАТСКИ НАЧИН НА ИЗРАЗУВАЊЕ НЕЗАДОВОЛСТВО ВО ОНА КОЕ ШТО ГО ПОДГОТВУВА ОВАА КОРУМПИРАНА, АНАЦИОНАЛНА, ПРЕДАВНИЧКА И НЕНАРОДНА ВЛАСТ. ЗАТОА САКАМ СИТЕ НИЕ ЗАЕДНО ДА ИМ ПОРАЧАМЕ ЕДНО ГОЛЕМО НЕ И НА ТИЕ НАСИЛНИЦИ КОИ ШТО СЕ ОБИДУВААТ ДА ГО КОНТАМИНИРААТ ОВОЈ СЕНАРОДЕН, ГОЛЕМ ЧИСТ КАКО СОЛЗА, БЕБЕШКА СОЛЗА ПРОТЕСТ ПРОТИВ ОВА НАЦИОНАЛНО ПРЕДАВСТВО КОЕ ШТО СЕ ПОДГОТВУВА, РЕЧЕ МИЦКОСКИ.