Нетанјаху: Хамас треба да разбере дека Израел нема да потклекне под меѓународниот притисок

Премиерот на Израел, Бенјамин Нетанјаху денеска изјави дека откажувањето на овонеделната планирана посета на Вашингтон од страна на високи израелски функционери е порака до Хамас.

Тој истакна дека откажувањето на посетата е со цел да му покаже на Хамас дека Израел нема да потклекне пред зголемениот меѓународен притисок за прекин на огнот во Појасот Газа.

– Тоа беше порака пред сè до Хамас: Не се обложувајте на овој притисок, нема да успее, наведе Нетанјаху во видео коментарот на средбата со американскиот сенатор Рик Скот, кој е во посета на Израел.