Почнува Минхенската безбедносна конференција
Денеска во Минхен почнува тридневната безбедносна конференција, која е една од најзначајните глобални конференции посветени на безбедноста и одбраната. На овој собир годинава ќе учествуваат повеќе од 500 светски лидери, претседатели, премиери, министри, претставници на бизнис секторот, невладиниот сектор и академската заедница.
Како што е најавено, на Минхенската безбедносна конференција ќе учествуваат и министрите за надворешни работи и за одбрана на Република Северна Македонија, Никола Димитров и Радмила Шекеринска.