Ставен под контрола огнот на градската депонија во Македонска Каменица

Огнот на градската депонија во Македонска Каменица е ставен под контрола. Екипи на Јавното претпријатие „Камена Река” кои учествуваа во неговото гаснње остануваат да го контролираат теренот и во текот на ноќните часови.

– Огнот кој гореше на градската депонија, што е трет ваков случај во последните триесетина дена, е ставен под контрола, а механизација на Јавното претпријатие „Камена Река” континуирано ќе биде на терен за да се спречи повторно палење, информираа од претпријатието.

Од Општина Македонска Каменица упатија апел до граѓаните да се однесуваат одговорно при фрлањето на отпадот и да алармираат навремено доколку забележат повторно палење.

Општината и ЈП „Камена Река” во текот на наредната година најавија поставување на комплетен видео надзор на депонијата, со што ќе се намалат штетите предизвикани од човечки фактор.