Фајзер-Бионтек најавуваат вакцина за новиот омикрон сој за 100 дена

Производителите на вакцини изразија уверување дека ќе може брзо да ги приспособат своите вакцини доколку се прошири новиот омикрон сој на коронавирусот.

Фајзер и Бионтек очекуваат дека ќе може да ја развијат и да ја произведат приспособената вакцина за новиот сој, за околу 100 дена, под услов регулаторните тела да ја одобрат.

Новиот сој, претходно познат како B.1.1.529, го карактеризираат некои загрижувачки мутации, а првите докази сугерираат дека овој сој носи зголемен ризик од повторна инфекција, пренесува Skay news.

Постои стравување и дека овој сој на коронавирусот би можел да биде поотпорен на вакцините кои се досега произведени.

Светската здравствена организација вчера објави дека на новиот сој на коронавирусот кој го доби името „омикрон“ според буквите во грчкиот алфабет, е класификуван како „загрижувачки“.