Хуљиќ проговори за бременоста на Хана со Грашо: Сега чекам да станам прадедо!

Популарниот хрватски пејач Петар Грашо го очекува своето прво дете со 14 години помладата девојка Хана Хуљиќ.

Нејзиниот татко, познатиот хрватскиот музичар Тончи Хуљиќ не крие дека е среќен што наскоро ќе стане дедо.

– Тончи, дали некој кажа – ќе станеш дедо? – добил Тончи прашање во емисијата кај Татјана Јуриќ.

– Ма, немојте ништо да ми зборувате, ги гледам оние сликички, така. Постојано зборував – ќе ме направите ли веќе дедо? И кога дојде тој момент, малку ме фати паника. Јас сум човек кој секогаш планира на долги патеки. А, што сега кога ќе станеш „дедо“? Сега само чекам – „прадедо“ – рекол Хуљиќ.

Неговиот одговор го следел и пејачот Петар Грашо, кој гостувал во истата емисија, а кој чека дете со ќерката на Тончи, Хана.

– Ние секогаш еден на друг му правевме лудории, мислам дека оваа е финалната – рекол Грашо.

Тој се осврнал на среќната вест дека ќе стане татко.

– Ми требаше извесно време, како и веројатно на секој човек, да се освествам за оваа прекрасна информација и сега живееме во слатко исчекување. Кога ја затвораме вратата од нашата куќа, живееме како и сите нормални семејства кои чекаат принова – рекол Петар, пренесува „Индекс“.

Што се однесува до менувањето пелени, Грашо имал подготвен одговор:

„Мислам дека има и други членови од ова семејство кои треба да прогуглаат како се прави тоа.“