Ако остане, Дешамп ќе ја води Франција уште еден мундијалски циклус

Доколку реши да остане селектор на Франција, Дидие Дешамп ќе остане до следното Светско првенство. Дидие Дешамп ќе се сретне со претседателот на Француската фудбалска федерација, Ноел Ле Грает. Како што пишува „Л’екип“ Дешамп се уште не одлучил дали ќе остане селектор, но доколку реши да остане, новиот договор ќе го опфати целиот мундијалски циклус.

Француските медиуми пишуваа дека еден од кандидатите за замена на Дешамп е легендарниот Зинедин Зидан, но се чини дека ќе мора да почека уште најмалку четири години.

Дешамп е селектор на Франција од 2012 година. Оттогаш, Франција играше во четвртфинале на Светското првенство во 2014 година, беа шампиони во 2018 година и загубија во финалето во 2022 година.

На Европското првенство во 2012 година, Франција беше елиминирана во четврт-финалето, четири години подоцна играше во финалето, за да биде запрена во осминафиналето во 2020 година. Тој победи во сезоната 2020/21 во Лигата на нации.