Пад на нето добивката на Росњефт

Росњефт, најголемата руска нафтена компанија, денеска соопшти дека нејзината нето добивка паднала за 15 отсто на годишно ниво во периодот јануари-септември 2022 година на 591 милијарда рубљи (околу 9,4 милијарди долари).

Нето добивката на компанијата во истиот период минатата година изнесуваше 696 милијарди рубљи (11,11 милијарди долари), што е највисока во историјата на компанијата.

Росњефт го припиша падот на профитот на „немонетарни фактори“, наведувајќи го трансферот на имотот во Германија која ја презеде контролата врз водечката рафинерија на компанијата во земјата.

Трансферот на тие средства, што доведе до значително негативно влијание врз заработката, резултираше со „признавање на дополнителна загуба од 56 милијарди рубљи“ и „намалување на паричните текови за 76 милијарди рубљи“, соопшти Росњефт.